Një ngjarje e rëndë raportohet të ketë ndodhur, ku një 51 vjeçare ka tentuar ti japë fund jetës, duke u hedhur nga lartësia e e banesës së saj.
Sipas Policisë ngjarja ka ndodhur një ditë më parë, ku shtetasja identiteti i të cilës ende nuk bëhet publik, është hedhur nga lartësia, në kushte të rënduara psikologjike dhe si pasojë ka marrë dëmtime në trup.
Ajo është dërguar në spital për ndihmë mjekësore dhe aktualisht ndodhet në gjendje të stabilizuar.
“Më datë 27.12.2025, është paraqitur për mjekim në spital një shtetase 51 vjeçe, e cila dyshohet se, në gjendje të rënduar psikologjike, është vetëhedhur nga lartësia e banesës së saj. Aktualisht, ajo ndodhet në spital, nën kujdesin e mjekëve”,- thuhet në njoftimin e policisë.
Materialet procedurale iu referuan Prokurorisë së Tiranës për veprime të mëtejshme.
