Rreth orës 22:00 të mbrëmjes së djeshme, një person i pajetë është dërguar në urgjencën e spitalit të Sarandës.
Personat që e çuan personin e pa jetë në spital ishin me një makinë të bardhë, e lanë trupin në spital dhe u larguan.
Personi i pajetë është identifikuar si Pavllos Simeriontaqis 48 vjeç nga Athina.
Menjëherë është njoftuar policia që ka shkuar në spital dhe po kryhen veprimet. Madje është bërë edhe kqyrja e kamerave për të identifikuar mjetin me targa greke që çoi 48-vjeçarin në spital dhe u larguan me qëllim për të zbardhur më tej rastin.
Sipas bluve të Sarandës nuk ka shenja dhune, ndërsa dyshohet se shkak i vdekjes mund të ketë qenë arrest kardiak. Ende nuk dihet pse 48 vjeçari grek ndodhej në Sarandë.
Duke qenë shtetas i huaj trupi i tij do të çohet me ambulancë në Institutin e Mjekësisë Ligjore në Tiranë për ekspertizë.
