Një aksident rrugor është regjistruar mbrëmjen e sotme pranë një supermarketi në rrugën “Gjergj Araniti” në Sarandë, e njohur ndryshe si “Rruga e 5”.
Një motor ka përplasur një grua rreth të 70-ave, e cila ka pësuar fraktura të shumta.
E moshuara është transportuar menjëherë drejt spitalit të Sarandës, ku ndodhet nën kujdesin e mjekëve.
Fatmirësisht e moshuara ndodhet jashtë rrezikut për jetën.
Në vendngjarje ndodhet policia, e cila po kryen veprimet hetimore për të zbardhur shkaqet dhe rrethanat e aksidentit.
