Një 38-vjeçar është arrestuar nga policia, pasi akuzohet për përndjekje dhe dhunë.
Në pranga ka rënë F, A., i cili sipas Policisë ka përndjekur për një periudhë 2 mujore një 30-vjeçare dhe e ka dhunuar në një firmë tregtare ku ajo punonte.
Ka qënë kjo e fundit që ka bërë denoncimin në Polici.
“Shërbimet e Komisariatit të Policisë Lushnjë, pas kallëzimit nga një 30-vjeçare se një shtetas i kishte shkaktuar ankth dhe pasiguri, pasi e kishte përndjekur dhe kishte ushtruar dhunë ndaj saj, kanë organizuar menjëherë punën për kapjen dhe arrestimin e këtij shtetasi.
Si rezultat i veprimeve të shpejta operacionale është kapur dhe ndaluar shtetasi F. A., 38 vjeç, banues në Lushnjë.
Ky shtetas, për një periudhë 2 mujore, dyshohet se ka përndjekur 30-vjeçaren si edhe ka ushtruar dhunë fizike ndaj saj në ambientet e subjektit tregtar në të cilën ajo punonte”, thuhet në njoftimin e Policisë.
Materialet procedurale i kaluan Prokurorisë Fier, për veprime të mëtejshme.
