Një operacion i gjerë është në zhvillim që nga mëngjesi i së enjtes nga specialistët e Shërbimit të Çështjeve të Brendshme të Forcave të Sigurisë në rajonin e Epirit, me fokus doganën e Mavromatit (Qafë Botë) në Thesprotí.
Sipas një njoftimi zyrtar nga Ministria e Mbrojtjes së Qytetarit, qëllimi i operacionit është arrestimi i punonjësve të administratës doganore, të cilët dyshohet se janë të përfshirë në raste mitmarrjeje, ryshfeti dhe shkelje të detyrës.
Deri më tani janë arrestuar 13 persona, ndërsa hetimet vijojnë me intensitet të lartë.
Autoritetet policore po mbajnë të fshehta detajet mbi përmasat e rrjetit dhe identitetet e personave të përfshirë.
Shërbimi i Çështjeve të Brendshme ka bërë me dije se do të pasojë një tjetër njoftim zyrtar me më shumë informacione mbi akuzat, sendet e sekuestruara dhe përmasat e çështjes. THESPRO.GR
