Një aksident i rëndë është shënuar pasditen e kësaj të hëne në autostradën Lushnjë-Vlorë, pranë kthesës së Pojanit.
Mësohet se në aksident janë përfshirë shtatë automjete, që udhëtonin në drejtim të qytetit të Vlorës.
Si pasojë e përplasjes së fortë të automjeteve, tre persona kanë mbetur të plagosur dhe janë dërguar me urgjencë në Spitalin Rajonal të Fierit për të marrë trajtim mjekësor.
Policia ka mbërritur në vendngjarje dhe po punon për zbardhjen e shkaqeve të aksidentit të shumëfishtë dhe kthimin e normalizimit të qarkullimit të automjeteve në këtë aks.
