Një 31-vjeçar ka humbur jetën pasi ka rënë në kontakt me rrymën elektrike në Dibër.
Policia tha se ngjarja ndodhi në fshatin Rrenxë rreth orës 14:00, ndërsa shtetasi A.S, ishte duke shtruar një linjë interneti në momentin kur dyshohet se ka rënë në kontakt me rrymën.
“Rreth orës 14:00, në fshatin Rrenxë, Dibër, shtetasi A.S., rreth 31 vjeç, duke shtruar një linjë interneti dyshohet se ka rënë në kontakt me rrymën elektrike dhe për pasojë ka humbur jetën”, bëri me dije policia.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.
