Detaje të reja zbardhen lidhur me ekzekutimin e ndodhur mëngjesin e kësaj së hëne në Mirditë, ku viktimë mbeti 45-vjeçari Valter Lleshi.
Mësohet se ai ka qenë i vetëm dhe po shkonte në punë me automjetin e punës.
Atij i kanë dalë përpara disa persona dhe e kanë qëlluar me breshëri automatiku.
Në vendngjarje janë gjetur rreth 18 gëzhoja.
45-vjeçari Lleshi u gjet i vdekur në automjetin e tij, rreth orës 07:10, në fshatin Shkorret, aksin rrugor ”Reps–Spaç”.
Lleshi ishte punonjës në hidrocentralin e Repsit.
Vetëm pak kohë më parë, në makinën me të cilën punonte në firmën që po ndërtonte hidrocentralin, i ishte vënë lëndë shpërthyese, e cila nuk shpërtheu.
