Një aksident i tmerrshëm rrugor ka ndodhur pasditen e kësaj së premteje, ku një automjet ka përplasur një fëmijë që po lëvizte në rrugë aksin rrugor “Korçë–Ersekë”, në afërsi të fshatit Kamenicë. Sipas informacioneve paraprake, pavarësisht ndihmës së dhënë, mësohet se i mituri ka humbur jetën si pasojë e plagëve të marra.
Burime paraprake konfirmojnë se fëmija ndodhej i shoqëruar nga nëna e tij në momentin e aksidentit.
Në vendngjarje kanë mbërritur shërbimet e policisë, të cilat po kryejnë veprimet procedurale dhe po punojnë për zbardhjen e plotë të rrethanave të ngjarjes.
