Një 48 vjeçare shqiptare është arrestuar nga policia në Savona të Italisë nën akuzën e vrasjes së mbetur në tentativë.
Mediat italiane shkruajnë se e arrestuara i kishte dhënë helm minjsh vjehrrës së saj me qëllim për ta vrarë.
Pas arrestimit, gjykatësi vendosi që shqiptarja të qëndronte nën arrest shtëpie deri në përfundimin e hetimeve.
Gjithashtu iu urdhërua që të mos i afrohej banesës ku jeton vjehrra e saj, një 73 vjeçare me aftësi të kufizuara.
