Një aksident me pasojë plagosjen e një personi është shënuar mëngjesin e kësaj të mërkure, ku një automjet tip “Benz” ka përplasur një person që kalonte me biçikletë nga njëra anë e autostradës për në anën tjetër. Pasi ka kaluar barrierën e hekurt anësore, ai është goditur nga automjeti edhe pse drejtuesi është munduar ta shmangë.
Ngjarja ka ndodhur në Bypassin e autostradës në Lushnje.
45 vjeçari është dëmtuar rëndë në të dyja këmbët dhe është dërguar me urgjencë në spitalin e Lushnjes.
Grupi hetimor po punon për dokumentimin dhe zbardhjen e shkaqeve të aksidentit ndërsa është shoqëruar drejtuesi i mjetit.
