Një aksident automobilistik është shënuar mesditën e kësaj të diele, ku automjeti me drejtues shtetasin E. S. është përplasur me automjetin me drejtues shtetasin I. N. në Durrës.
Nga ky aksident, kanë mbetur të lënduar 3 persona, të cilët ndodhen në spital, jashtë rrezikut për jetën.
“Rreth orës 13:00, në rrugën “Egnatia”, automjeti me drejtues shtetasin E. S. është përplasur me automjetin me drejtues shtetasin I. N.
Nga aksidenti u dëmtuan dy drejtuesit e automjeteve dhe pasagjeri që ndodhej në njërin prej automjeteve. Të tre shtetasit u dërguan në spital për ndihmë mjekësore dhe ndodhen jashtë rrezikut për jetën”, njofton policia.
Grupi hetimor po punon për sqarimin e plotë të rrethanave dhe shkakut të aksidentit.
