Ish-presidenti Ilir Meta ka kallëzuar drejtorin e Përgjithshëm të Burgjeve, Klevis Qose për ‘shpërdorim detyre’, për shkelje të të drejtave dhe abuzim me masat e arrestit personal.
Kallëzimi i është drejtuar Prokurorisë së Posaçme kundër Korrupsionit dhe Krimit të Organizuar, raporton për Top Channel, Anila Hoxha.
Ja kërkesat e plota të Ilir Metës:
Regjistrimin e procedimit penal;
Hetimin e plotë të veprimeve dhe mosveprimeve;
Verifikimin e përgjegjësisë penale të Drejtorit të Përgjithshëm të Burgjeve Klevis QOSE, pasi nga tërësia e veprimeve të tij ai ka konsumuar veprat penale:
Shpërdorimi detyrës parashikuar nga neni 248 KP
Kryerja e veprimeve arbitrare parashikuar nga neni 250 KP
Mosmarrja e masave për të ndërprerë gjendjen e paligjshme parashikuar nga neni 251 KP
Shkelja e barazisë së shtetasve parashikuar nga neni 253 KP.
