Një aksident rrugor është regjistruar, ku një automjet është përplasur me një motor në lagjen “Skënderbeg” të Lezhës.
Si pasojë e përplasjes, janë plagosur drejtuesi dhe pasagjeri i motorit. Të dy të dëmtuarit janë dërguar me urgjencë në spital për të marrë ndihmën e nevojshme mjekësore.
Në vendngjarje mbërriti policia, e cila ka nisur hetimet për zbardhjen e shkaqeve dhe rrethanave të aksidentit.
