Në zbatim të marrëveshjes së bashkëpunimit ndërmjet Ministrisë së Brendshme dhe Ministrisë së Arsimit dhe Sportit, për zbatimin e programit “Siguria e të rinjve”, shërbimet e Policisë kanë vijuar takimet sensibilizuese me nxënësit e shkollave 9-vjeçare dhe të mesme të qarkut Gjirokastër.
Takimet e radhës u zhvilluan , nga ndihmësspecialisti i DVP Gjirokastër për edukimin në shkolla në bashkëpunim dhe me stafin e shkollës 9-vjeçare “Koto Hoxhi”.
Gjatë takimeve u bashkëbisedua me nxënësit, për tema si:
“Stop dhunës në shkollë” “Dhuna në internet” “Dhuna me bazë gjinore” “Bullizmi dhe bullizmi në internet” “Siguria në internet”Punonjësit e Policisë kishin përgatitur materiale ilustruese për nxënësit, si dhe iu shpërndanë atyre fletëpalosje me informacione dhe kuriozitete mbi fushën e sigurisë.
Prezantimi i temës u shoqërua me video dhe foto në Power Point, ku nxënësit kishin mundësinë të shohin konkretisht pasojat nga dhuna, bullizmi, si dhe keqpërdorimi i internetit.
