Pas Tiranës dhe Durrësit, stuhia e fortë me erë dhe reshje të dendura shiu ka ‘goditur’ edhe qytetin e Vlorës dhe atë të Fierit.
Ashtu si në Durrës, edhe në Vlorë e Fier kanë mjaftuar vetëm pak minuta reshje shiu që rrugët e qyteteve të zhyten totalisht nën ujë.
Në pothuajse të gjitha akset e brendshme të qyteteve, qarkullimi i automjeteve është bërë tepër i vështirë.
Institucione të ndryshme u kanë bërë thirrje qytetarëve që të shmangin lëvizjet e panevojshme dhe drejtuesve të automjeteve të rrisin vigjilencën.
Kujtojmë se stuhia që ka goditur sot pjesën më të madhe të vendit, ishte e paralajmëruar më herët nga meteolorogët dhe pritet të zgjasë deri nesër.
