Seanca gjyqësore ndaj të pandehurve të dosjes 5D, është shoqëruar me tensione në sallën e gjyqit.
Denion Bogdani, avokati i të pandehurit Redi Molla, ka depozituar një kërkesë për gjykim të shkurtuar.
Ai ka kërkuar të mos nisë shqyrtimi gjyqësor i çështjes nëse më parë nuk jepet një vendim lidhur më këtë kërkesë.
Megjithatë, njëra nga avokatet, Evi Sheri, që përfaqëson Taulant Tushën, në ndryshim nga kolegët e saj, kërkoi që seanca të mos shtyhet, ç’ka shkaktoi debat mes tyre.
Prokurori i çështjes, Klodian Braho deklaroi se kërkesa nuk ka pse të shërbejë si arsye për t’u shtyrë seanca.
Ndërkohë gjykata është tërhequr për të marrë vendim të ndërmjetëm.
