Horoskopi, 8 korrik/24

Horoskopi sot:

Dashi

Intuita nuk do ju zhgënjejë gjatë kësaj dite kështu që në tërësi gjërat do ju ecin më së miri. Nëse keni një lidhje do keni një ditë shume të rëndësishme. Do merrni vendime përfundimtare të cilat do ua ndryshojnë jetën. Ju beqarët sado që të mundoheni nuk do e gjeni dot personin që do iu përshtatet në çdo pikë. Për punën nuk do ketë vështirësi shumë të mëdha. Do e dini mirë se çfarë doni dhe do ecni drejt objektivave pa u hallakatur shumë. Në planin financiar fati do jetë në anën tuaj dhe gjendja do stabilizohet akoma më shume nga sa e kishit menduar.

Demi

Sido që të jenë gjërat ju do dini si të silleni e si të mbani një klimë të ngrohtë. Do jeni përherë të motivuar dhe me dëshirë për të ecur para. Nëse keni një lidhje, shumë planetë do ta mbrojnë jetën tuaj. Në disa momente do ju duket sikur do kaloni një muaj mjalti. Besimi dhe respekti midis jush do të rritet së tepërmi. Nëse jeni vetëm, Venusi do krijojë një klimë shumë të përshtatshme për të dashuruar. Gjithsesi mos u nxitoni pa marrë vesh se çfarë doni në të vërtetë. Në punë nuk duhet të shpërqendroheni vetëm për të kërkuar arritjen e majave menjëherë. Mos e prishni me dorën tuaj ambientin mbizotërues. Financat nuk do jenë të mira, prandaj merrni hua tek dikush që i besoni më shumë se të tjerët.

Binjakët

Me pak këmbëngulje dhe kurajë sot do ja dilni kudo. Nuk dorëzoheni lehtë dhe për ju nuk ekzistojnë gjërat e pamundura. Nëse keni krijuar një lidhje, Jupiteri do ta përmirësojë mjaft jetën tuaj. Ka ardhur momenti të bëni çdo gjë për t’ia kaluar sa më mirë me atë që keni në krah. Gjithë mundi do të rikompensohet më vonë. Ju beqarët do shkoni në qiell të shtatë. Do e shfrytëzoni deri në fund çdo minute që kalon pasi do realizoni takimin e ëndrrave. Në punë herë pas here do ju duket sikur nuk do mund të arrini ku doni, por nuk do dorëzoheni. Në fakt gjërat do ndryshojnë për mirë. Saturni do iu ndihmojë të menaxhoni më mirë financat dhe situata do përmirësohet.

Gaforrja

Yjet do iu japin mundësinë të reflektoni më shumë sot dhe të vendosni disa objektiva që doni të arrini. Në vijimësi do ndiheni edhe më të qetë. Hëna do ndikojë mjaft në jetën tuaj në çift dhe do ua qartësoje mendimet. Nëse mendoni se rutina iu ka mërzitur mjaft atëherë ka ardhur koha të bëni ndryshime. Mos u vononi shumë sepse më vonë gjërat mund të komplikohen. Nëse jeni beqarë dhe keni bërë një takim kohët e fundit, Marsi do i përshpejtojë pak gjërat. Në punë më në fund do merrni aprovimin për një kërkesë që keni bërë dhe shumë gjëra do ju ndryshojnë njëherë e përgjithmonë. Financat nuk do jenë të këqija, por as në gjendjen më të mirë. Nëse iu duhet të bëni ndonjë shpenzim bëjeni, por pa boshatisur llogarinë tuaj bankare.

Luani

Mërkuri do ju bëjë më entuziastë gjatë kësaj dite. Nuk do e mbani mendjen tek hallet e problemet që keni pasur, por do mendoni me pozitivizëm për të ardhmen. Jeta sentimentale për ju që keni një lidhje do shkoje mirë dhe nuk do ndonjë asnjë problem që t’iu shqetësojë. Nëse jeni beqarë, Marsi do e shtojë edhe më shumë dëshirën tuaj për të dashuruar. Një prej ëndrrave tuaja do fillojë të realizohet. Në punë ambienti do jetë i ndërlikuar në mëngjes, por pas diskutimit me shefat do i keni idetë më të qarta. Me financat duhet të bëni shumë kujdes. Shihni njëherë sa e keni buxhetin dhe më pas veproni. Mirë është që çdo shpenzim të kryhet me maturi.

Virgjëresha

Në disa momente mund të jeni konfuzë sot, por do e rimerrni shpejt veten dhe do logjikoni. Për ju të dashuruarit të gjitha rrethanat do jenë në favorin tuaj kështu që jeta ka për t’iu ecur vaj. Për asgjë nuk do keni ankesa apo pengje. Ju beqarëve do ju peshojë shumë vetmia, por nuk do keni mundësi të bëjnë asgjë për ta ndryshuar situatën. Bëni sa më shumë durim që të mundeni. Në punë do veproni me devotshmëri dhe nuk do ju mungojë asnjë moment motivimi. Në planin financiar duhet të ndiqni një plan strikt sepse vetëm ashtu do mund të bëni ekonomi. Shpenzime për gjëra qejfi mos bëni për asnjë arsye.

Peshorja

Sot do i mendoni gjërat më seriozisht dhe nuk do kërkoni asgjë të pamundur. Ju të dashuruarit do parapëlqeni më shumë një jetë të qetë sesa shumë emocione. Shfrytëzojeni situatën për të folur shtruar edhe për disa tema të ndërlikuara. Nëse jeni beqarë do bëni mirë të reflektoni disa herë para se të merrni vendime sepse përndryshe do gaboni e do vuani. Në punë do arrini më lart sesa keni menduar dhe kjo falë përkujdesit, maturisë dhe durimin. Buxhetin do e mbani gjithë kohës nën kontroll me mënyrën e menaxhimit dhe me vendosmërinë që do keni.

Akrepi

Sot do i lini mënjanë të gjitha hatërmbetjet dhe problemet dhe do mundoheni të krijoni një ambient më të qetë. Ju të dashuruarit do keni nevoje jetike për harmoni dhe do mundoheni me sa të mundeni të tregoheni të matur me fjalët dhe veprimet. Ju beqarët do e keni shumë të vështirë ta joshin personin tuaj të ëndrrave dhe do vazhdoni të mbeteni ende të vetmuar. Në punë do jeni të frymëzuar dhe të gjitha përpjekjet që keni bërë kohët e fundit do japin rezultatet e shumëpritura. Buxheti nuk ka për të qenë i mirë pasi do kryeni shpenzime të pakontrolluara e me pasoja të renda për të ardhmen.

Shigjetari

Në tërësi dita do jetë pozitive sot dhe pa probleme serioze. Do keni besim tek vetja dhe nuk keni për të pasur debate me të tjerët. Ju që keni një lidhje do jeni shumë romantikë dhe do krijoni një klimë të jashtëzakonshme në çift. Zemra do rrahë fort dhe nuk do doni të shkëputeni asnjë moment nga njëri-tjetri. Beqaret nuk duhet te bëjnë asgjë me inat dhe me nxitim sepse do lëndohen e do vuajnë më vonë. Në punë shumë kolegë do ju shtyjnë drejt rrugës së gabuar, por një zë i brendshëm do ju nxitë të bëni kujdes. Financat do përmirësohen në mënyrë të paimagjinueshme falë një shpërblimi të majmë që do merrni.

Bricjapi

Ditë e shkëlqyer ka për të qenë kjo e sotmja falë ndikimit të madh të Neptunit. Ju të dashuruarit do jeni mjaft të përkujdesur për partnerin tuaj dhe do e mbani atë në pëllëmbë të dorës. Edhe ai do ju bëjë surpriza të këndshme. Romantizmi dhe ëmbëlsia do jenë pjesë e çdo minute. Ju beqarët do jeni sensuale dhe do arrini të afroni pas vetes cilindo që do pëlqejë. Ka mundësi të ndodhin gjëra të jashtëzakonshme. Në punë Mërkuri do jetë planeti që do ju bëjë t’i kuptoni mirë gjërat dhe do dini si të veproni. Sektori i financave nuk do jetë aspak i rrezikuar, pasi logjika dhe largpamësia do ju drejtojnë gjithë kohës.

Ujori

Gjatë kësaj dite do vendosni ta lini veten të lirë dhe ta jetoni jetën si t’iu vijë. Në përgjithësi gjithçka do evoluojë. Ju të dashuruarit do jeni në humor shumë të mirë dhe do bëni çdo gjë që do i pëlqejë partnerit vetëm që ai të ndihet mirë. Së bashku do qeshni e do përjetoni kënaqësi. Ju beqarët mund të keni edhe dashuri me shikim të parë, megjithatë mire është të bëni kujdes me hapat që do hidhni. Në punë, Mërkuri do ju bëjë të reflektoni më gjatë dhe të gjeni zgjidhje për të gjitha problemet që do ju dalin. Financat do jenë të begata prandaj edhe po bëtë ndonjë shpenzim më tepër nuk do keni probleme.

Peshqit

Hëna do bëhet bashkë me Neptunin sot dhe do ju ndihmojnë të realizoni çdo dëshirë që keni pasur. Për ju të dashuruarit është momenti i duhur për të marre vendime të rëndësishme. Po i shtytë ende gjërat situata mund t’iu dalë edhe jashtë kontrollit. Nëse jeni beqarë duhet të besoni tek vetja dhe ta joshni ashtu siç dini atë që pëlqeni. Me shumë gjasë do ia arrini qëllimit përfundimtar. Në punë mos u nxitoni aspak sepse situata mund t’iu ndërlikohet. Bëjeni çdo gjë sa më shtruar që të mundeni. Vështirësitë që ju kishin dalë në planin financiar do arrini t’i zgjidhni falë mbështetjes së të afërmve.