Ish kryetarja e Bashkisë Libohovë, Luiza Mandi, u dënua ditën e sotme nga Gjykata e Posaçme Antikorrupsion. Ajo aktualisht ndodhet jashtë Shqipërisë.
Mandi u dënua me 1 vit burg por duke përfituar nga gjykimi i shkurtuar do të kryej vetëm 8 muaj burg.
Ajo akuzohej nga SPAK për “shpërdorim detyre”, lidhur me një kallëzim që u depozitua nga një qytetar.
Qytetari denoncoi faktin që në pronat e familjarëve të tij po zhvillohej një projekt nga Bashkia për zgjerimin e rrugës.
Pas këtij kallëzimi SPAK sekuestroi projektin dhe konstatoi se ishte cënuar prona e familjarëve të qytetarit në fjalë.
