Një aksident është regjistruar sot në Elbasan, ku një makinë ka marrë para karrocën me fëmijën 1 vjeç.
Burime zyrtare nga policia bënë me dije se shtetasja me inicialet L. Z., 27 vjeçe, pasditen e djeshme përplasi me makinë lehtë karrocën, ku ishte një fëmijë, që shoqërohej nga nëna e tij.
Ngjarja ndodhi në lagjen “Haxhias”.
“Specialistët e Qarkullimit Rrugor referuan materialet në Prokurori ku nisi procedimi në gjendje të lirë për shtetasen L. Z., 27 vjeçe, banuese në Elbasan, pasi pasditen e djeshme, në lagjen “Haxhias”, automjeti që drejtohej nga kjo shtetase ka përplasur lehtë një karrocë me fëmijë 1 vjeçe, që shoqërohej nga nëna e fëmijës. Fëmija, pasi mori mjekim në spital, u dërgua në banesë.”,- bën me dije policia.
