VIDEO/ Makina del nga rruga, 5 të lënduar dërgohen urgjentisht në spital

Pesë persona kanë mbetur të lënduar pasi automjeti me të cilin udhëtonin ka dalë nga rruga. Aksidenti ndodhi në aksin rrugor Lushnje-Berat.

Mësohet se shoferi humbi drejtimin e mjetit duke bërë që fuoristrada të dilte nga rruga.

Të lënduarit u dërguan urgjentisht në spital për të marrë trajtim mjekësor.

Ndërkohë, policia po orienton qarkullimin e mjeteve për shkak të trafikut të krijuar si pasojë e aksidentit.