Gjirokastër
🚔Monitorim intensiv në akset rrugore të qarkut, për rritjen e parametrave të sigurisë rrugore.
Njësia Operacionale e Policisë Rrugore, në kuadër të masave të shtuara për parandalimin e aksidenteve rrugore, në aksin rrugor Tepelenë-Gjirokastër, duke monitoruar qarkullimin rrugor, me radarë automatik, ka konstatuar dhe ndëshkuar 50 drejtues mjetesh, për parakalime të gabuara, shpejtësi tej normave të lejuara dhe shkelje të tjera, që janë burim për aksidente rrugore.
Monitorimi i akseve rrugore të qarkut Gjirokastër do të vijojë dhe në ditët në vazhdim.
Policia Rrugore apelon për të gjithë drejtuesit e automjeteve që të kufizojnë shpejtësinë, të mos drejtojnë automjetet, në gjendje të dehur, të mos kryejnë parakalime të gabuara apo manovra të rrezikshme në rrugë, por të zbatojnë rregullat e qarkullimit rrugor, me qëllim parandalimin e aksidenteve dhe rritjen e parametrave të sigurisë rrugore.
Denonconi në numrin pa pagesë 112 dhe në Komisariatin Dixhital, çdo shkelje të rregullave të qarkullimit rrugor. 🚘🛣️ ✅
