Pas rreth dy muajsh në arrati, i shpallur në kërkim për vrasjen e ndodhur në Memaliaj, Marjaldo Nela, është vetëdorëzuar në polici.
Nela akuzohet për përfshirje në ngjarjen e rëndë kriminale të ndodhur në prill të këtij viti në Memaliaj, ku mbeti i vrarë Endri Goxhaj.
Pas vetëdorëzimit, ai është ndaluar dhe është vënë në dispozicion të organeve të drejtësisë për vijimin e procedurave hetimore.
Ngjarja tronditi opinionin publik për shkak të rrethanave të saj, ndërsa pas krimit policia arrestoi disa persona dhe shpalli në kërkim autorët e dyshuar.
Marjaldo Nela ishte një prej personave që kërkohej nga autoritetet.
Me vetëdorëzimin e tij, hetuesit pritet të marrin dëshminë e tij për të ndihmuar në zbardhjen e plotë të dinamikës së ngjarjes dhe përcaktimin e përgjegjësive penale për secilin prej të përfshirëve.
