Studentë dhe pedagogë nga Western Michigan University, Spanja, Polonia dhe UGJ u bënë pjesë e një dite diskutimesh, bashkëpunimi dhe shkëmbimi ndërkulturor.
Sesioni i parë u hap me përshëndetjen e Rektorit dhe prezantimin e Zv/Rektores, duke vijuar më pas me diskutime në grupe ku studentët ndanë përvoja mbi kulturat, mënyrën e jetesës dhe realitetet nga vendet prej nga vijnë.
Në sesionin e pasdites, fokusi kaloi tek temat globale dhe sfidat bashkëkohore:
– sfidat kombëtare dhe ndryshimet shoqërore,
– roli i lidershipit në adresimin e tyre,
– përfshirja e të rinjve në politikëbërje,
– promovimi i Objektivave të Zhvillimit të Qëndrueshëm (SDG) nga të rinjtë në kulturat respektive.
Summiti u kthye në një hapësirë ku studentët jo vetëm prezantuan perspektivat e tyre, por edhe ndërtuan ura komunikimi përtej kufijve, kulturave dhe sistemeve të ndryshme shoqërore.
Një eksperiencë që tregoi se universiteti mbetet një nga vendet më të rëndësishme për dialogun global dhe bashkëpunimin mes të rinjve.
