Ish-kryetari i PD-së në njësinë administrative të Dajçit, Sokol Toma, 53 vjeç, është dhunuar mbrëmjen e kaluar në autostradën Mamurras–Laç, në zonën e Sanxhakut.
Burime nga Spitali i Traumës bëjnë me dije se Toma ka pësuar thyerje të këmbëve dhe dëmtime në vesh, ndërsa është shtruar në ortopedi për trajtim. Autorët, ende të paidentifikuar, i kanë marrë edhe telefonin.
Policia po punon për kapjen e agresorëve dhe identifikimin e tyre, ndërsa motivi i sulmit mbetet i paqartë. Ngjarja ka tronditur komunitetin lokal dhe hetimet vazhdojnë.
