Dy shqiptarë dhe një shtetas grek janë lënë në burg nga drejtësia greke, pasi shantazhuan një biznesmen grek me 200 mijë euro gjobë. Dy shqiptarët 43 dhe 34 vjeç mohuan akuzat para autoriteteve. Mediat greke shkruajnë se përveç tre personave, i përfshirë është edhe një 48-vjeçar shqiptar i cili ndodhet i burgosur. Ai dyshohet se ka koordinuar operacionin nga brenda burgut, ndërsa në të kaluarën është akuzuar për vrasje dhe trafik droge.
Përmes një bisede telefonike në ambientet e burgut ku qëndron, ai i ka kërkuar biznesmenit shumën 200 mijë euro, duke e kërcënuar me jetë. Pas kësaj ata kanë sulmuar automjetet dhe biznesin e tij me koktej molotovi.
Fillimisht autorët fillimisht i kërkuan viktimës 200 mijë euro, por në një komunikim të mëvonshëm me një person tjetër, i cili kishte marrë rolin e negociatorit, shuma e kërkuar u reduktua në 100 mijë euro. Në fakt, dy persona, duke pasur tiparet e tyre të mbuluara, shkuan me motoçikletë me dy rrota në vendin e tij të punës, ku kërcënuan një punonjës me qëllim që t’i shkaktonin terror viktimës së tyre.
Pas denoncimit të biznesmenit, policia greke organizoi një operacion policor gjatë të cilit, në një takim të paracaktuar me tre autorët, u dorëzua shuma e paracaktuar prej 50 mijë eurosh. Kur ata po mernin shumën e kërkuar, punonjësit e policisë ndërhynë dhe i imobilizuan pavarësisht rezistencës së fortë që bënë për t’u arratisur. Gjatë kontrollit policia u gjeti 11 pistoleta me 11 fishekë, 6 celularë dhe 2.580 euro.
