Këshilli Kombëtar i Trashëgimisë Kulturore Materiale ka shpallur qytetin e Delvinës pasuri kulturore të paluajtshme, në kategorinë “Ansambël Arkitektonik Urban”.
Me këtë vendim të KKTKM vlerësohet rëndësia e veçantë historike, arkitektonike dhe urbanistike të këtij qyteti, si dhe synohet mbrojtja, ruajtja, konservimi dhe promovimi i trashëgimisë kulturore.
Bëhet me dije se nëpërmjet këtij statusi synohet jo vetëm ruajtja e identitetit historik dhe kulturor të qytetit, por edhe nxitja e zhvillimit të turizmit kulturor, promovimi i ndërhyrjeve restauruese dhe rritja e ndërgjegjësimit publik për rëndësinë e trashëgimisë kulturore si një aset i çmuar kombëtar.
Pak ditë më parë, Këshilli i Ministrave vendosi shpalljen e fshatit Lin në Pogradec, pasuri kulturore të paluajtshme si “Ansambël arkitektonik urban”.
