EMRI/ Aksident, humb jetën 80-vjeçari, po udhëtonte me biçikletë, teksa…

Jugulajm.net
1 Min Read

Një 80-vjeçar i identifikuar ka humbur jetën pasditen e sotme, pasi biçikleta me të cilën udhëtonte u përplas me një automjet në aksin rrugor “Fier-Seman”.

Aksidenti ka ndodhur rreth orës 16:15, ndërsa drejtuesi i biçikletës, Nasi Peto, ndërroi jetë në vendngjarje.

Sipas njoftimit të policisë, në aksident u përfshi automjeti me drejtues shtetasin V. M., 61 vjeç, i cili u përplas me biçikletën që drejtohej nga shtetasi 80 vjeçar.

Si pasojë e përplasjes, i moshuari ka marrë dëmtime të rënda dhe ka ndërruar jetë në vendin e ngjarjes.

Ndërkohë, drejtuesi i automjetit do të shoqërohet në komisariat për kryerjen e veprimeve të mëtejshme procedurale.

Grupi hetimor ndodhet në punë për të zbardhur rrethanat dhe shkaqet e aksidentit tragjik.

Share This Article