Një aksident me pasojë vdekjen e një personi është shënuar mesditën e kësaj së diele në Tiranë.
Sipas informacioneve paraprake, ngjarja ka ndodhur rreth orës 13:50, në aksin rrugor Baldushk–Vishnjë, ku një 28-vjeçar, i identifikuar me inicialet B.Z., dyshohet se ka humbur kontrollin e motomjetit që drejtonte dhe është përplasur me barrierat anësore të rrugës.
Si pasojë e përplasjes së fortë, i riu ka humbur jetën në vendngjarje.
Në vendin e aksidentit ka mbërritur grupi hetimor, i cili po punon për zbardhjen e plotë të rrethanave dhe shkaqeve të kësaj ngjarjeje të rëndë.
Ndërkohë, materialet procedurale i janë referuar Prokurorisë së Tiranës për veprime të mëtejshme.
