Një aksident i rëndë është regjistruar mëngjesin e kësaj të diele në aksin rrugor “Levan-Tepelenë”, ku nga përplasja e dy automjeteve ka humbur jetën një 39-vjeçare, shofere e njërit prej automjeteve.
Njoftimi i policisë:
Fier / Informacion paraprak
Rreth orës 07:20, në aksin rrugor “Levan–Tepelenë”, shtetasja N. A., rreth 39 vjeçe, duke drejtuar automjetin tip “Kia”, është përfshirë në një aksident rrugor me automjetin tip “Benz”, me drejtues shtetasin P. M.
Si pasojë e aksidentit, ka ndërruar jetë në vendngjarje shtetasja N. A., ndërsa shtetasi P. M. dhe pasagjeri që ndodhej në automjetin tip “Benz”, shtetasi S. R., ndodhen në spital për ndihmë mjekësore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
