Një aksident tragjik rrugor ndodhi pasditen e 1 janarit në Greqi, ku një shqiptar 42-vjeçar humbi jetën.
Ngjarja ndodhi rreth orës 18:30 në provincën Makrychori–Gonnon, kur automjeti i tij doli nga rruga dhe u përplas me një makinë tjetër, të drejtuar nga një 24-vjeçar vendas.
Pas përplasjes, të dy drejtuesit e mjeteve pësuan lëndime të rënda dhe u transportuan menjëherë në Spitalin Universitar të Larisës me ndihmën e ambulancave të shërbimit të urgjencës EKAB.
Megjithë përpjekjet mjekësore, 42-vjeçari nga Gonnosi nuk arriti t’i mbijetojë plagëve dhe ndërron jetë rreth orës 02:00 të mëngjesit të enjtes.
Autoritetet greke kanë nisur hetimet për të zbardhur shkaqet e plota të aksidentit.
Ngjarja ka tronditur komunitetin lokal dhe ka sjellë një reflektim mbi sigurinë rrugore në këtë zonë.
