Pasi u kercenua ne rrjetet sociale nga Marjola Beqiri, e afërm e nje prej te arrestuarve per skandalin seksual te 16 vjeçares nga Kelcyra, ku ishin perfshire dhe dy efektive policore, Jonida Qirko, gazetare e MCN TV, ka marre nje mbeshtetje te jashtezakonshme nga Shoqata e Gazetareve Europiane.
Ne reagimin e vete zyrtar kjo shoqate solidarizohet plotesisht me gazetaren Qirko dhe njekohesisht i ben thirrje Policise se Shtetit dhe Prokurorise se Gjirokastres, qe te vendose para pergjegjesise personin qe ka intimiduar dhe kercenuar punonjesen e medias.
Reagimi i plote i Shoqates se Gazetareve Europiane:
Shoqata Europiane e Gazetarëve dënon me forcë kërcënimin e hapur ndaj gazetares së MCN TV në rajonin e Gjirokastrës, znj. Jonida Qirko, e cila është intimiduar publikisht në rrjetet sociale pas investigimit të saj mbi një skandal seksual ku të përfshirë rezultojnë edhe efektivë të policisë.
Ky akt përbën një sulm të drejtpërdrejtë ndaj fjalës së lirë dhe lirisë së shtypit, duke synuar të heshtë gazetarin në kryerjen e misionit të tij profesional e publik. Çdo përpjekje për të frikësuar gazetarët është një kërcënim serioz për demokracinë, transparencën dhe drejtësinë.
Ne i bëjmë thirrje Prokurorisë së Gjirokastrës dhe Policisë së Shtetit që të ndërhyjnë menjëherë, të hetojnë rastin dhe të vendosin para ligjit autorët e kërcënimit.
