Një stuhi e fortë shoqëruar me reshje të rrëmbyeshme shiu ka përfshirë qarkun Gjirokastër pasditen e sotme, duke shkaktuar dëme dhe bllokime në disa zona.
Në pikën turistike të “Ujit të Ftohtë”, Tepelenë, një rrap është rrëzuar nga era e fortë, duke dëmtuar dy makina që ishin parkuar nën degët e saj.
Përveç dëmtimit të mjeteve, reshjet e shiut kanë përmbytur disa segmente rrugore, duke krijuar vështirësi në qarkullimin e automjeteve.
Kjo ka shkaktuar vonesa dhe ka bërë që autoritetet të ndërhyjnë për të pastruar rrugët dhe rikthyer normalitetin në qarkullim.
