Një aksident i rëndë me dy të plagosur ka ndodhur pak minuta më parë në rrugën kombëtare “Fiershegan- Kuçovë” në afërsi të fshatit Çunat.
Një automjet i tipit “Benz” ka përplasur nga pas një motoçikletë, që shkonte drejt fshatit Thanë.
Në motoçikletë udhëtonin dy persona, babë e bijë.
Policia ndodhet në vendngjarje, ndërsa të dy të aksidentuarit janë transportuar me urgjencë në spitalin e Lushnjes.
Sipas informacioneve janë nën kujdesin intensiv të mjekëve.
Policia e qarkullimit po disiplinon trafikun dhe pritet ekspertiza shkencore.
