Detaje të reja lidhur me plagosjen e ndodhur pasditen e sotme, rreth orës 16:40 në Hamallaj të Durrësit, ku një person mori dy plumba.
Burimet bëjnë me dije se autori i dyshuar është Altin Lekegegaj, i cili u largua nga vendi i ngjarjes me një automjet “Toyota Yaris”. I plagosur ka mbetur Liridon Rada.
Dyshohet se autori dhe i plagosuri janë konfliktuar për një vend parkimi dhe më pas janë dëgjuar të shtëna me armë zjarri.
Forcat e policisë ndodhen në terren dhe po vijojnë kërkimet për kapjen e tij. Shërbimet e Policisë vijojnë kontrollet në zonë dhe në ambiente të ndryshme, ku dyshohet se mund të jetë fshehur 44-vjeçari.
Njoftimi i policisë
U konfliktuan për motive të dobëta, plagosi me armë zjarri 28-vjeçarin, Policia identifikon dhe shpall në kërkim 44-vjeçarin
Shërbimet e Policisë janë vënë në ndjekje të tij.
Rreth orës 16:40, në Hamallaj, dyshohet se gjatë një konflikti për motive të dobëta, shtetasi A. L., 44 vjeç, ka plagosur me armë zjarri pistoletë shtetasin L. R., 28 vjeç, i cili ndodhet në spital, në gjendje kritike për jetën.
Shërbimet e Policisë, sapo kanë marrë njoftimin, kanë shkuar menjëherë në vendngjarje dhe, falë veprimeve të shpejta, kanë identifikuar autorin dhe janë vënë në ndjekje të tij.
Shërbimet e Policisë vijojnë kontrollet në zonë dhe në ambiente të ndryshme, ku dyshohet se mund të jetë fshehur 44-vjeçari.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
