Një biznes në afërsi të Lushnjes është grabitur gjatë natës, ku disa persona kanë hyrë dhe kanë vjedhur kasafortën në një biznes thertore.
Ata kanë marrë edhe një nga furgonat e kompanisë për t’i transportuar dhe larguar nga vendngjarja.
Gjatë largimit automjeti ka rënë në një kanal kullues, në dalje të fshatit Golem i Vogël. Autorët më pas janë largur me një mjet tjetër, dhe kanë dalë në autostradën Lushnje-Rrogozhinë.
Në automjetin e rënë në kanal është gjetur edhe kasaforta.
Policia pasi ka mbërritur në vendin e ngjarjes, ka kryer ekspertizën dhe ka dokumentuar provat që mund të çojnë në kapjen e autorëve të përfshirë.
Në zonë po merren edhe pamjet filmike nga kamerat e sigurisë së bizneseve për të gjetur dhe për të zbardhur dinamikën e ngjarjes.
