Një kamion që transportonte tulla ka dalë jashtë rruge pasi një mjet i kishte hyrë në parakalim.
Për të shmangur përplasjen drejtuesi i kamionit ka devijuar kamionin jashtë karrexhatës dhe një pjesë e ngarkesës ka rënë në rrugë.
Për pasojë është krijuar trafik i rënduar në autostradë në kryqëzimin e Savrës.
Policia Rrugore ka shkuar në vendngjarje dhe po disiplinon trafikun ndërsa punonjësit e zjarrfikëses po heqin nga rruga mbetjet e tullave që janë rrezik për qarkullimin.
Sipas të dhënave paraprake ka qenë shpejtësia dhe manovra e gabuar e autoveturës që shkaktoi ngjarjen, megjithatë ekipi hetimor është në terren për sqarimin e rrethanave.
