Një aksident i rëndë ka ndodhur mbrëmjen e sotme në Jonufër të Vlorës. Mësohet se dy persona kanë mbetur të plagosur pasi një furgon tip “Benz” është përplasur me një automjet tip “Golf”.
Si pasojë e përplasjes, janë plagosur drejtuesi i Golfit dhe pasagjeri.
Raportohet se pasagjeri është plagosur rëndë pasi ka mbetur i bllokuar brenda mjetit.
Është dashur ndërhyrja e kalimtarëve dhe policisë për ta nxjerrë nga automjeti.
Dy të plagosurit janë transportuar drejt spitalit të Vlorës për të marrë ndihmën mjekësore.
Në vendngjarje pritet të mbërrijë grupi hetimor për të zbardhur shkaqet e aksidentit.
