Wayne Lineker, vëllai i legjendës së futbollit Gary Lineker ka kryer homazhe për vdekjen e Mbretëreshës në një mënyrë mjaft të çuditshme.
Wayne Lineker, i cili është pronari i një klubi në Ibiza vendosi t’i bëjë nderimet e fundit Mbretëreshës Elizabeth II në mënyrën e tij, unike por tepër të çuditshme.
Në rrjetet sociale janë publikuar pamjet e “homazheve” në nder të Mbretëreshës, aty duken disa vajza të veshura si rojet mbretërore angleze me bikini dhe kapele.
Pasi vajzat e veshura si roje u ngjitën në skenë, DJ vendosi himnin e Mbretërisë së Bashkuar dhe të gjithë kënduan së bashku, edhe pse disa të dehur.
Në fund, turma brohoriti disa herë në nder të Mbretëreshës.
