Një aksident rrugor ka ndodhur ditën e sotme, ku një 16-vjeçar ka mbetur i dëmtuar. Ngjarja ka ndodhur në aksin dytësor “Balldre-Rraboshtë” në fshatin Balldre të Lezhës.
I mituri, teksa drejtonte një ciklomotor dyshohet se ka humbur kontrollin mbi mjetin.
Si pasojë e aksidentit, 16-vjeçari është dëmtuar dhe është transportuar drejt Spitalit të Traumës për ndihmë mjekësore.
Ndërkohë, grupi hetimor po punon për të zbardhur rrethanat dhe shkaqet e aksidentit.
