EMRI-FOTO/ Vrau 20-vjeçarin në Ksamil, ja kush eshte autori 29-vjeçar nga Hasi me precedentë penalë të mëparshëm

Një ngjarje e rëndë ka tronditur Ksamilin, ku një 20-vjeçar francez është gjetur i vrarë pranë lokalit “Principotes” gjatë orëve të natës.

Për ngjarjen dyshohet si autor 29-vjeçari Sokrat Vata, shtetas shqiptar, i cili pas krimit është larguar nga vendngjarja. Policia ka nisur kërkimet për kapjen e tij, ndërsa vijojnë hetimet për zbardhjen e plotë të rrethanave të ngjarjes.

Sipas të dhënave nga autoritetet britanike, më 13 prill 2024, në Kent, Vata u përmbys me një automjet që po drejtonte, pasi nuk iu bind urdhrit të policisë për të ndaluar në autostradën A20, në East Malling. Ai u largua nga vendngjarja, ndërsa në automjet u gjetën disa qese me kokainë dhe targa.

Vetëm 17 ditë më vonë, më 30 prill 2024, Vata u përfshi sërish në një ndjekje policore në Cambridge. Ai po drejtonte një Toyota RAV4 gri të raportuar të vjedhur dhe, pasi policia tentoi ta ndalonte, u largua me shpejtësi.

Ndjekja vijoi në disa rrugë të qytetit. Vata ndaloi për pak kohë për të zbritur një pasagjer dhe më pas vazhdoi drejt Clara Rackham Road, ku u largua me vrap dhe hodhi një pako me kokainë në një shkurre.

Policia e gjeti më vonë të fshehur në kopshtin e pasmë të një banese. Gjatë kontrollit, atij iu gjetën 560 paund cash, ndërsa në automjet u zbuluan edhe targa. Vata rezultoi gjithashtu pozitiv për drejtim automjeti nën ndikimin e drogës.

Tashmë, emri i tij është rikthyer në vëmendje pas ngjarjes së rëndë në Ksamil, ku një turist i ri francez humbi jetën. Autoritetet shqiptare vijojnë hetimet dhe kërkimet për kapjen e 29-vjeçarit.