Pas më shumë se disa orësh operacion të pandërprerë të zjarrfikësve te Gjirokastrës, është shuar zjarri i rënë në shpatin e Malit të Gjerë, mbi Levenisht, në Gjirokastër, në vendin e quajtur Milava.
Terreni tepër i vështirë dhe intensiteti i zjarrit e bënë operacionin një sfidë të madhe për efektivët. Si pasojë e zjarrit u dogj një sipërfaqe e konsiderueshme me pemë dhe shkurre.
Organet ligjzbatuese kanë nisur veprimet për zbardhjen e shkaqeve të rënies së zjarrit dhe dokumentimin e plotë të ngjarjes.
