Gjirokastriti John Alite, një nga shqiptarët më të famshëm në botë, ka folur me detaje për krimet e tij, duke nisur që nga vrasja e parë e deri te tortura me shkop bejsbolli.
Alite ka punuar për vite me radhë për familjen mafioze Gambino dhe ka qenë i besuari i mafiozit famëkeq John Gotti.
Pas shkëputjes së marrëdhënieve me Gambinot, Alite u shpreh se jeta e tij ka qenë disa herë në rrezik, madje janë bërë disa atentate kundër tij.
I pyetur për armiqësinë me një nga familjet më të rrezikshme mafioze, dhe nëse kanë tentuar ndonjëherë ata t’i bëjnë atentat, Alite tha:
“Po, më kanë bërë atentat disa herë. Kanë ardhur njerëz në shtëpinë time të cilët kanë tentuar të më vrasin, por unë arrita t`i vras i pari. Kam vepruar si çdo shqiptar, nëse do t`i shkosh në shtëpi për ta vrarë, duhet të mbroj veten. Ishin ata që erdhën në shtëpinë time. Unë i kam paralajmëruar ata dhe i kam thënë: ‘Nëse fëmijëve të mi u ndodh diçka e vogël, bëni mirë të fshihni fëmijët tuaj, sepse do vihem pas tyre.”-tha ai në “Glamour Zone”.
