Publikimi i fundit i Eurostat tregon se Shqipëria vijoi të ishte e fundit në Europë, si për të ardhurat për frymë në raport me madhësinë e ekonomisë, ashtu dhe për të ardhurat në raport me fuqinë blerëse.
Gjë që dëshmon se Shqipëria vijon ta ketë të humbur garën për rritjen e mirëqenies së qytetarëve të saj.
Të ardhurat për frymë në raport me Prodhimin e Brendshëm Bruto ishin sa 34% e mesatares së Bashkimit Europian. Ndonëse në rritje me tre pikë përqindje në raport me vitin e kaluar, sërish Shqipëria është e fundit në Europë dhe në rajonin e ballkanit.
Nivelin më të lartë në rajon e ka Mali i Zi, me 50% të mesatares europiane, e ndjekur nga Serbia me 44%, Maqedonia e Veriut me 42% dhe Bosnje-Hercegovina me 35%, ndërsa të dhëna për Kosovën nuk raportohen.
Përveçse me Bosnjën, diferenca në të ardhura me vendet e tjera të rajonit është thelluar, duke treguar për një zhvillim më të qëndrueshëm të shteteve fqinjë, që kanë arritur të përmirësojnë me ritme më të shpejta mirëqenien e qytetarëve të tyre.Vendet e Bashkimit evropian që kanë nivelin më të lart të konsumit individual , janë Luksemburgu, Norvegjia, Austri dhe Gjermania, ndërsa më të ulet se mesatarja e BE, e kanë bullgari, Hungari dhe Kroaci.
Fuqia blerëse e qytetarëve
Mesatarja e BE 100%
Mali i Zi 50%
Serbi 44%
Maqedonia e Veriut 42%
Bosnje-Hercegovina 35%
Shqipëri 34%
