Një aksident ka ndodhur në rrugën Vlorë-Kuç, ku është përmbysur një automjet tip ‘Volskwagen’.
Makina ishte marrë me qira nga një vajzë dhe sipas policisë, shoferja bashkë me pasagjeren, janë larguar nga vendi i ngjarjes me një makinë të rastit.
Deri më tani, askush nuk ka shkuar për tu paraqitur për ndihmë mjekësore.
Informacion paraprak
Më datë 13.08.2023, në aksin rrugor Vlorë-Kuç, ka dalë nga rruga (është përmbysur) një automjet tip ‘Volskwagen’.
Në vendin e ngjarjes nuk janë konstatuar persona dhe nga verifikimet paraprake të kryera, rezulton se automjeti është në pronësi të shtetasit L. R., banues në Fier, dhe dyshohet se është marrë me qira nga një shtetase.
Po nga verifikimet paraprake të kryera, dyshohet se automjeti drejtohej nga një shtetase e cila është larguar nga vendi i ngjarjes me një automjet të rastit, së bashku me një shtetase tjetër, pasagjere në automjet.
Në lidhje me këtë rast, deri tani, nuk është paraqitur për ndihmë mjekësore asnjë person i dëmtuar.
