Një aksident me pasojë vdekjen është regjistruar mëngjesin e sotëm. Mësohet se në aksident janë përfshirë dy automjete dhe një biçikletë.
Ngjarja ka ndodhur në lagjen Kiras, Shkodër, ku sipas informacioneve paraprake një person rreth 50-vjeç ka humbur jetën si pasojë e aksidentit.
Në vendin e ngjarjes kanë mbërritur menjëherë shërbimet e policisë, të cilat kanë nisur hetimet për zbardhjen e plotë të rrethanave dhe shkaqeve të aksidentit.
Deri tani nuk është bërë i ditur identiteti i viktimës.
