Një aksident rrugor është regjistruar këtë pasdite, ku një automjet tip “Volkswagen Polo” është përplasur nga pas me një mjet bujqësor (zetor). Aksidenti është regjistruar në aksin rrethrrotullimi Grabjan – rrethrrotullimi Plug, pranë fshatit Golem.
Si pasojë e përplasjes ka mbetur i lënduar drejtuesi i automjetit, rreth 70 vjeç, i cili udhëtonte së bashku me bashkëshorten e tij.
Të dy të lënduarit janë transportuar drejt spitalit të Lushnjës, ku sipas burimeve mjekësore ndodhen jashtë rrezikut për jetën. Nga hetimet e para dyshohet se drejtuesi i mjetit tip “Volkswagen” ka humbur kontrollin si pasojë e përgjumjes, duke shkaktuar përplasjen. Policia ndodhet në vendngjarje dhe po punon për zbardhjen e plotë të rrethanave të aksidentit.
