Tre të rinj mbetën të plagosur me thikë pas një përleshjeje masive mes dy grupeve shqiptare në qendër të Athinës, ku në total u përshinë 26 persona.
Mediat helene raportojnë se dy grupet gjatë përleshjes kanë përdorur thika, shkopinj dhe grushte hekuri e leva.
“Një total prej 26 personash, anëtarë të dy grupeve të ndara që vepronin me disiplinë ushtarake, zgjidhën mosmarrëveshjet e tyre në Kato Patisia. Tre prej tyre përfunduan të plagosur rëndë në spital, pasi u goditën me thikë në gjoks, pranë zemrës”, informon media greke.
Arsyeja e sherrit fillestar, sipas asaj që i thanë të arrestuarit Policisë së Sigurisë së Athinës, ishte një vajzë. Megjithatë, ka indikacione serioze se motivi i vërtetë pas dhunës ishte kontrolli i trafikut të drogës, për shkak të sekuestrimeve që janë kryer në banesa.
Në kontrollet e kryera në shtëpitë e të akuzuarve, u gjetën dhe u sekuestruan sa vijon:
– 97 gramë kanabis i papërpunuara,
– 52 gramë kokainë,
– 51 gramë metamfetaminë,
– 6 thika,
– Peshorja elektronike precize.
