Specialistët për Hetimin e Krimeve të Komisariatit të Policisë Gjirokastër, referuan materialet në Prokurori ku nisi procedimi penal për shtetasen A. Q., 35 vjeçe, banuese në Gjirokastër, pasi ka tentuar të hyjë në një sallë ku po zhvillohej seancë gjyqësore, në Gjykatën e Gjirokastrës, duke kundërshtuar oficerin e sigurisë.
Gjithashtu, ka kundërshtuar punonjësit e Policisë, gjatë shoqërimit në komisariat.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
