Punonjësi i karburantit, ku u vranë dy të rinjtë Flori Paluçi dhe Aranit Kurti ka folur për mediat lidhur me ngjarjen e rëndë. Ai është shprehur se kur shkoi në punë në mëngjes pa karburantin e rrethuar si skenë krimi.
Ndërsa një banor thotë se janë tronditur nga ngjarja e rëndë. Gjithashtu banorët i përshkruan djemtë si të sjellshëm.
“Unë erdha në mëngjes, gjeta karburantin e rrethuar, si skenë krimi. Më thanë ka ndodhur në ngjarje. Njëri nga Manza por nuk rri këtu. Ishin çuna të sjellshëm”, u shpreh punonjësi i karburantit.
“Jo nuk dimë gjë. Na ka tronditur rëndë por ndodhi. Nuk di gjë. E kam pasur kushëri”, thotë një tjetër banor.
